Опозициската партија очигледно не се согласува со одлуките на судот за одредените притвори.

Преку соопштение ВМРО ДПМНЕ ги повика поддржувачите на протести вечерва во 18 часот пред Министерството за правда, а претходно од 15 - 17 часот часот од партијата на Груевски најавија дека ќе блокираат четирите крстосници: Крстосницата кај Мавровка; - Крстосницата кај Порта Влае; - Крстосницата помеѓу Бул. Јане Сандански и Бул. Србија во населбата Ново Лисиче; - Крстосницата кај „Рампа“ во  населбата Кисела Вода.

ВМРО ДПМНЕ соопшти дека Македонија е единствената земја каде оперски пејач, режисер, актер, архитект, доктор, и други десетици патриоти треба да одговараат за измислено дело тероризам.

Целта, како што велат на оваа хајка е обид да се замолкне опозицијата и да се скрши отпорот против сите антидржавни политики, кои власта ги реализираше во изминатиов период.