Откако опозицискиот лидер Зоран Заев побара шанса од претседателот Иванов на кој му го побара мандатот со реакција се јавија од кабинетот на лидерот на ВМРО-ДПМНЕ.

Оттаму преку соопштение до јавноста се обратија и велат дека нема да дозволат  Македонија нема да биде водена од аболициран криминалец, ниту ќе добие просоросова Влада.

„Граѓаните на 11-ти декември ја дадоа својата поддршка за излез од кризата и гласаа за проекти, реформи и развој. Граѓаните на 11-ти декември ставија крај на деструкцијата и велепредавствата кои ги промовираше СДСМ како нивна политика. 

Зоран Заев ќе остане запаметен во историјата како политичар кој ги газел и игнорирал Уставот и законите на Република Македонија. Единствено што знае еден аболициран криминалец е да лаже и манипулира, а не да ги толкува Уставот и законите.

Политичката кариера на аболицираниот Зоран Заев заврши на 11-ти декември. Најгласната порака што ја испратија граѓаните е дека тој мора да одговара и за барањето поткуп, и за велепредавство и за сите криминални тендери за кои се врзува неговото име“, стои во соопштението на ВМРО-ДПМНЕ.

Откако вчера на полноќ истече рокот мандатарот не успеа да обезбеди парламентарно мнозинство,  Никола Груевски не излезе пред очите на јавноста туку се вади преку соопштенија.