Одземањето на мандатот на Никола Груевски, кој пред шест месеци пребегна во Унгарија избегнувајќи ја затворската казна, се сели на пленарна седница во Собранието откако оредлогот со позитивно изјаснување од пет гласа помина на седницата на комисијата за мандатно-имунитетски прашања.

Пратениците од ВМРО-ДПМНЕ не се изјаснија за предлогот, ниту гласаа за дневниот ред на седницата. Сега останува да се види како ќе реагираат на пленарната седница, каде што е потребно двотретинско мнозинство за одземањето на пратеничкиот мандат на нивниот поранешен партиски претседател. Синоќа партиското раководство ги повика да „гласаат според законот“, односно им даде поддршка да се изјаснат позитивно.