Откако специјалното јавно обвинителство ја соопшти новата истрага поврзана со незаконското прислушување во земјава, со реакција за денешниот прес се јави владеачката партија.

Од ВМРО-ДПМНЕ продолжуваат да мислат дека СЈО е продолжена рака на СДСМ и Заев.

Од партијата на Никола Груевски посочуваат дека денешната прес конференција на СЈО била со единствена цел, „да ги покрие скандалозните изјави и ветувања на Зоран Заев дадени пред албанската дијаспора во Швајцарија“. 

За специјалната обвинителка Јанева велат дека без без ниту еден доказ, ја погазила правната фела и влегла во политичка кампања. 

Од соопштението на партијата на власт се заклучува дека тие не се задоволни од истрагата на СЈО.

Велат дека Јанева должи објаснување како Претседателот на ВМРО-ДПМНЕ, Никола Груевски, тогашниот директор на УБК, Сашо Мијалков и сите останати функционери на ВМРО-ДПМНЕ беа лицата кои беа најприслушувани.