ВМРО-ДПМНЕ ја огласи донаторската сметка пред започнувањето на кампањата за претседателските избори, кои ќе се одржат на 21 април, односно 7 мај.

Најголемата опозициска партија објави повик со кој бара од физичките и правни лица донации за претстојните претседателски избори. На телопот пишува „Донирај за избори“ со кој ги повикуваат сите правни и физички лица да донираат.

Според Изборниот законик, ограничена е сумата на физичките и правните лица што може да ја донираат на посебна сметка за избори на една партија, а исто така ограничени се и трошоците во текот на кампањата.

ВМРО-ДПМНЕ ќе учествува на оретседателкските избори со поддршка на кандидатот Гордана Силјановска Давкова. Покрај за претседател, има и посебна сметка за локалните избори во три општини кои ќе се спроведуваат истовремено.