ВМРО-ДПМНЕ: И Валид Иса Хмаис добил лажен македонски пасош
Владо Мисајловски од ВМРО-ДПМНЕ денеска објави дека „свиркачот“ од МВР им доставил и документи дека Валид Иса Хмаис, логистичар и соработник на италијанската мафија од Балканот, добил македонски пасош со лажен идентитет.
Тој го подигнал пасошот во 2019 откако се фотографирал во македонска полициска станица, тврди Мисајловски.
- Со овој пасош во јанаури полетал од скопскиот аеродром во Турција, а италијанските медиуми објавуваат дека сега е во Маврициус како Вурмо Таќо. Како ниту еден полициски службеник не го забележал тоа? Зошто не се провериле банкарските сметки?, прашува функционерот на ВМРО-ДПМНЕ.
Тој вели дека очекува обвинителството да покрене случај во кој ќе испита дали има одговорност во повисоките редови на хиерархијата во МВР.- Нека каже обвинителството, за тоа добиваат плата, ние сме само коректор на власта кој треба да обзнани афера, а институциите се тие кои треба да реагираат, рече Мисајловски.
Слично
Поврзани вести
