ВМРО-ДПМНЕ искажува сомневање дека синоќешниот пожар во бараките на јавното комунално претпријатие Улици и патишта - Скопје можно е да е намерно подметнат.

Најголемата опозициска партија ја прашува владејачката СДСМ, дали причина за зачестените пожари на објекти во кои се сместени државни институции е уништување на документацијата.

– Утринава се случи четврт пожар во државна институција. Пожарот во ЈП Улици и Патишта доаѓа по низата пожари во државни инстутуции, како СЕП, Инспекторатот за Животна средина, министерството за правда. Во сите четири институции запалени меѓудругото се и документи од институциите 

СДСМ пироманска да одговори дали ваквите пожари не се дел од смислено сценарио за уништување на документација, за можен криминал во работењето на овие институции – се вели во соопштението на ВМРО-ДПМНЕ.