„МВР и Спасовски како и заменик министерот за култура, Лазовски треба да знаат дека тие се избрани од граѓаните како што не се, и ќе заминат со одлука на граѓаните како што треба. Сакаме да потсетиме и да прашаме дали „метлата“ која ја понуди Драган Спасов-Дац, кој пред речиси неполна година исто така во пијана состојба, како висок државен функционер направи тешка сообраќајна несреќа, демонстрира чистење или исправување во редовите на СДСМ и оваа ненародна власт. Дали навистина овој перформанс ќе го опфати Лазовски како и Зоран Заев кој дозволува да се случуваат вакви неправилности во македонската држава?“, додаде Василевска.

Таа повикува на одговорност и совесност и посака разјаснување на случајот со најдобри намери за Република Македонија. Според фотографиите кои беа објавени тогаш, Лазовски со службеното возило се обидел да заврти полукружно на полна линија кога мотоциклист се заби во крилото од автомобилот.