Се бара одговорност од спикерот Талат Џафери за снимката на која навредува и пцуе. 

ВМРО-ДПМНЕ поднесе писмено барање за свикување седница на Комисијата за деловнички прашања, на која би се расправало за прекршување на Етичкиот кодекс. 

Од ВМРО-ДПМНЕ велат дека Џафери го прекршил Етичкиот кодекс, вршејќи мобинг над вработените и доколку Комисијата тоа го утврди, Џафери може да се соочи со јавна опомена, суспензија од учество во работно дело или еден месец забрана за претседавање со работно тело. Досега ниту Џафери, ниту неговиот Кабинет се немаат произнесено за снимката.

Политичката партија Левица, до надлежната Комисија за деловнички и мандатно-имунитетни прашања, поднесе Претставка со барање за поведување на постапка за утврдување на тешка повреда на Кодексот за етичко однесување на пратениците во Собранието на Република Македонија, против Претседател на Собранието, Талат Џафери.

„Најостро го осудуваме ваквото скандалозно однесување и доколку собраниската комисија утврди сторена тешка повреда од страна на спикерот Џафери, бараме да му биде изречена јавна опомена, по која собранискиот спикер нема да има морален кредибилитет да остане и да ја извршува позицијата – Претседател на Собранието на Република Македонија", велат од Левица. 

Наведуваат дека ваквото однесување, насочено директно кон нарушување на угледот и достоинството на собраниската служба, не доликува на лице кое ја извршува функцијата Претседател на Собранието