Словенија со 18 отсто, Хрватска со 16 отсто и Луксембург со 14 отсто се трите земји од ЕУ со најголем удел на граѓани кои инвестирале во криптовалути, пишува Милан Хорват од „Фирме инвест“.

Од друга страна, Шведска со дури 60 отсто, Финска со 42 отсто и Данска со 36 отсто (исто има и Луксембург) се земјите од ЕУ чии граѓани најмногу инвестираат во традиционални хартии од вредност, односно акции, обврзници, фондови.

Најмал интерес за крипто има во Франција, Германија и Италија, т.е. економски најсилните земји на ЕУ, додека оние со повисоки нивоа на инвестиции во крипто, во просек, имаат пониско ниво на економски развој и помалку богати граѓани.

Ова има смисла бидејќи, во просек, граѓаните на помалку развиените земји поинтензивно бараат нови можности и се повеќе склони кон ризикот да ја прифатат дигиталната економија во развој отколку граѓаните на поразвиените земји. Тие се држат до своите традиционални вредности кои се покажаа како профитабилни и корисни за нив.

Иако, според оваа статистика, има речиси ист број хрватски граѓани кои инвестираат во хартии од вредност (17 отсто) како и оние кои инвестираат во крипто (16 отсто). Тоа се различни возрасни групи и многу поголема сума од капиталот се инвестира во традиционални форми на вредност, отколку во крипто. Структурата е исто така различна затоа што помладите луѓе речиси целата своја заштеда ја инвестираат во крипто, додека постарите луѓе инвестираат само дел во крипто, на ниво од 5 до 10 проценти од нивните инвестициски заштеди.

(Извор: LinkedIn)