Традиционално денес како последен четврток од месецот се одржуваат пратеничките прашања преку кои пратениците имаат можност да ја реализираат својата контролна функција над извршната власт и претставниците на Владата на Македонија. 

Сепак, целата смисла на пратеничките прашања се губи кога не е присутна опозицијата бидејќи таа треба да дојде до израз и да ги детектира слабостите и грешките на владејачката коалиција. 

Обврската за поставување прашања и контрола над власта повторно ќе падне врз пратениците од парламентарното мнозинство кое ја поддржува владата на премиерот Заев, како и на помалите опозициски партии. 

ВМРО-ДПМНЕ одбива да учествува во работата на Собранието се додека како што велат тие не престане политичкиот прогон и нивните осомничени пратеници не бидат ослободени од притвор со што се врши голем притисок врз опозицијата.