Во новиот анкетен лист на Игор Јанушев како генерален секретар на Владата, доставен до Државната комисија за спречување на корупција, е внесено дека поранешниот пратеник на ВМРО-ДПМНЕ добил градежно земјиште на подарок во вредност од околу 325.000 евра.

Поранешниот директор на ЈСП подарокот го добил во текот на минатата година. Станува збор за 165 метри квадратни во Центар. Една целина во проценета вредност од 20.000.000 денари со намена за изградба на станбено-деловни згради.

Јанушев на крајот од минатата година купил возило lexus во вредност од 15.000 евра со датум на производство во 2013. Владиниот секретар пријавил и една трансакциска сметка и две кредитни картички.

Тој оваа година беше целосно ослободен од вина во предметот „Дизајн“, случај кој траеше седум години.