Иако ЕУ им обезбеди 70 милиони евра на шестте балкански членки аспиранти, за набавка на вакцини, проблемите со набавките во Европа значат дека четири од нив сè уште немаат добиено вакцинби, неколку месеци откако започна вакцинацијата во други земји. Фрустрирани, некои сега гледаат на исток кон Русија и Кина за да обезбедат оскудни резерви, пишува Financial Times.

Косово и Босна и Херцеговина, како и сојузниците на НАТО, Северна Македонија и Црна Гора, сè уште не добиле ниту една доза. Официјални лица во Скопје и Подгорица минатата недела објавија дека ќе купат вакцини од Русија и Кина.

„Сакавме да одиме на западни вакцини за да покажеме каде припаѓаме како држава и првично ја исклучивме можноста за преговори со Русите и Кинезите“, изјави официјален претставник од Северна Македонија за „Фајненшл тајмс“.

Но, тој рече дека неговата влада сè потешко може да ги оправда одложувањата. „Бидејќи има други земји во Европа како Унгарија кои примаат (вакцина Синофарм), би било тешко да им се објасни на луѓето зошто ги чекаме Фајзер, Модерна и АстраЗенека“, рече тој, повикувајќи се на три компании кои произведуваат одобрени од ЕУ вакцини.

Србија се сврти кон кинескиот „Синофарм“, со што стана првата европска земја што ги искористи вакцините на компанијата, а нејзините соседи ќе го следат водството на Белград.

„Светот го погоди санта мраз, како Титаник, и богатите и најбогатите само се спасуваат себе си и своите најблиски“, рече српскиот претседател Александар Вучиќ минатата недела, оправдувајќи ја својата одлука за купување кинески и руски вакцини, додека исто така преговараше со ЕУ.

„Ние се давиме заедно со Титаник. Можеби тоа не е нивна намера, но не им е особено важно “.