Владата на Борисов даде зелено светло за договорот за добрососедство
Kабинетот на бугарскиот премиер, Бојко Борисов го одобри договорот за добрососедство, пријателство и соработка меѓу Република Македонија и Република Бугарија.
Од Владата на Борисов велат дека потпишувањето на договорот за добрососедство е израз на желбата на Република Бугарија да изгради добрососедски односи засновани на европските вредности.
„По потпишувањето, резултатите од овој договор ќе бидат соработката во билатерален и мултилатерален план, проширувањето на транспортните врски и комуникации, учество и употреба на средства по регионални инфраструктурни и транс-гранични проекти, како и олеснување на контактите меѓу граѓаните на двете земји“- соопшти бугарската Влада.
Денеска и македонската Влада соопшти дека вчера го одобри нацртот на договорот и дека во 15 часот премиерот Зоран Заев ќе го објави договорот за пријателство и добрососедство со Бугарија.
На владината седница во Софија беше одлучено дека Бугарија и Македонија ќе соработуваат во областа на природниот гас.
Слично
Поврзани вести
