Владата до јули 2018 планира да изработи Централен електронски регистар на население.

Ова го соопшти денеска владиниот портпарол Бошњаковски и за кој проект вчера е усвоена информација на владина седница.

Целта според Бошњаковски за овој проект е поедноставен пристап до сите сервисни и услужни информации а овој регистар не е замена за пописот.

„Кога ќе биде направена и обезбедена самата алатка преку неа можно е да се направи и електронски попис, но таа не исклучува спроведување попис на населението во неговата стандардизирана форма“, појаснува Бошњаковски, нагласувајќи дела Регистарот на население не е замена за попис.

Централен електронски регистар на населението треба да овозможи поедноставен пристап до сите сервисни и услужни информации во повеќе институции во земјава, како што се МВР, Катастар и други.

Фото: Мрт