Владата итно ќе набавува детски инкубатори за гинекологија
Владата по итна постапка ќе набавува детски инкубатори за клиниката за гинекологија во Скопје како и во останатите породилишта низ државата. Токму недостигот на инкубатори е една од главните причини за високата стапка на смртност кај новороденчиња.
„Владата на Република Македонија донесе одлука за измена на распоредот на средствата во посебниот дел утврден со Буџетот на Република Македонија за 2017 година, за да се обезбедат финансиски средства за набавка на соодветните инкубатори во итна постапка за Државната клиника за гинекологија во Скопје, како и за дел од останатите јавни здравствени установи во државата“, соопштија од Владата.
Слично
Поврзани вести
