ВЛАДАТА ИМ ДАДЕ РОК НА ИНСТИТУЦИИТЕ: До 15 септември да ги сменат табличките на службените возила
Директорот на службата за општи и заеднички работи на Влада (СОЗР), Ивица Томовски, соопшти дека Владата на денешната седница донела одлука - сите државни институции и јавни правни лица до 15 септември да ги променат табличките на возилата.
„На денешната Владина седница беше донесена одлука: сите државни институции и јавни правни лица мора да ги променат регистарските таблици на службените возила со таблици во боја најдоцна до 15.09.2025 година.
Со ова исполнуваме уште едно ветување – обележување на службените возила за зголемена транспарентност и отчетност.
Крај на злоупотребите за приватни и партиски цели.
Јавноста ќе може лесно да ги препознае службените возила.
Институциите имаат јасен рок – време е за одговорност!“, објави тој.
Слично
Поврзани вести
