Во соопштението испратено до медиумите се напоменува дека првата инвестиција која ја промовирал претседателот на Владата Хрисијан Мицкоски само еден ден по формирање на Владата. 

- Станува збор за изградба на ветерници во државата со капацитет до 400MW на „Aлказар Енерџи“ во вредност од 500 милиони долари. Оваа инвестиција ќе се реализира во општините Радовиш, Штип и Карбинци, а ќе бидат инсталирани 55 ветерници и 630 нови вработувања, со што 100.000 граѓани ќе се снабдат со електрична енергија - стои во соопштението. 

Втора инвестиција која ја посочуваат е германско-белгиска на „Епсотех Аим“ за изградба на развојно истражувачки центар, алерти центар во индустриско-технолошките зони на територијата на Општина Петровец. Вредноста на инвестицијата е 20 милиони евра и нови 110 вработувања.

- Третата странска инвестиција е за производство на сопирачки за шински возила на американскиот „Вебтек“ во вредност од 35 милиони евра. Со оваа инвестиција ќе се отворат нови над 100 вработувања, а истата ќе се реализира во Технолошко индустриско развојната зона Скопје.

И четврта инвестиција која ја донесе Владата е производство на литиум јонски батерии во Технолошко индустриско развојната зона Скопје. Инвестицијата на германската компанија „BMZ Group“ е во вредност од 65 милиони евра и отвора нови 700 вработувања - се наведува во соопштението. 

Притоа потенцираат дека „уште во првите два месеци се гледаат позитивните ефекти од владеењето на Владата и Претседателот Христијан Мицкоски. Приоритет на Владата е силен економски развој и целосна трансформација на државата, се со цел поквалитетен и подобар животен стандард на граѓаните. Владата и во иднина ќе продолжи да работи на носење на нови странски инвестиции и отворање на нови работни места“.

Сепак, од Владата изумија да кажат дека договорот со германската „BMZ Group“ во вредност од 65 милиони евра го потпиша вицепремиерот на претходната Влада, Фатмир Битиќи. Дури и на денот на поставувањето на камен темелникот, самиот премиер му се заблагодари на Битиќи за договорот.