Oд Владата велат дека оставката на Весна Дамева е единствената исправна одлука. 

„Оставката на претседателката на Судскиот совет е единствената можна и исправна одлука по огромните забелешки за нејзината работа“, велат од Владата откако Весна Дамева денеска на прес-конференција соопшти дека си поднесува неотповиклива оставка од функцијата.

Додаваат дека од ваквата одлука ќе има многу засегнати и загрижени поради нивното сомнително работење, огромните сомнежи за криминал, како и фалсификување на записници, но правдата мора да профункционира.

Претставници на актуелната власт, вклучително и премиерот Христијан Мицкоски, изминатиот период во повеќе наврати ја критикуваа работата на Судскиот и Советот на јавни обвинители.