Портпаролот на Државната изборна комисија, Љупка Ѓугучевска, на прес-конференцијата во 17.30 минути, објави дека процентот на излезноста на локалните избори во вториот круг е повисока и дека од 83,29 обработени податоци, излезноста до 17 часот на ниво на државата изнесува скоро 43 проценти

-Од вкупно запишаните гласачи во Избирачкиот список за 44-те општини во кои се гласа, озлезноста е 42,85 проценти, додека излезноста на ниво на Град Скопје изнесува 39,99 проценти од 89,93 обработени податоци од избирачките места, изјави Гугучевска на петтата прес-конференција одржана попладнево во 17.30 часот.

Процентот на излезноста по општини:

Најголем одѕив во Вевчани - 75,6 проценти, во Конче - 73,15 проценти, во Ранковце 71,02, а над 60 проценти излезност има уште во Пробиштип, Дебар, Росоман, Македонски брод, Пехчево и и во Демир Капија.

Со најниска излезност е општината Сарај - 23,41 отсто, Шуто Оризари со 28 проценти и Боговиње со 30 проценти излезени избирачи.

Во Скопје од 89,93 проценти обработени избирачки места процентот на излезност е 39,99 отсто. По општини – во Аеродром 42,37 отсто, Бутел - 36,65 отсто, Гази Баба - 38,18 отсто, Ѓорче Петгров - 40,75 отсто, а најголема излезност има во Карпош каде на гласање излегле 47,05 проценти од избирачите.