Седница на собраниската Комисија за надзор над работата на Агенцијата за национална безбедност и на Агенцијата за разузнавање на која присуствуваше директорот на АНБ, Виктор Димовски, денеска се одржа зад затворени врати.

Димовски пред почетокот на седницата, со која раководеше пратеникот Љупчо Пренџов, побара новинарите да излезат од салата затоа што документите кои ќе ги презентирал за тоа како контроверзниот Олександр Онишченко добил македонски пасош, биле од класифициран карактер.

Пет пратеници го прифатија предлогот, а немаше ниту еден против или воздржан, по што медиумите мораше да ја напуштат салата.

Димовски рече дека дополнително по завршувањето на седницата ќе даде изјава пред новинарите за тоа што се зборувало зад затворени врати.