МВР и Обвинителството информираат дека на последнио ден од минатата година  околу 14:30 часот во Горно Количани, скопско, е сопрено патничко возило „бмв х5“ со скопски регистарски ознаки управувано од И.Е.(26) од Скопје и при тоа пронајдени се 10 килограми кокаин.

Возило е одземено за понатамошна проверка.. Следниот ден, по претходно обезбедена судска наредба, извршен е претрес во возилото, при што во импровизиран бункер во подвозјето на возилото пронајдени се и одземени околу 10 килограми кокаин.

„Пријавениот И.Е. е лишен од слобода и по целосно документирање на случајот ќе биде поднесена кривична пријава“, инфрмира МВР.

„За осомничениот ќе биде предложена мерка притвор поради опасност од бегство, можност за влијание врз сведоци и соучесници, како и веројатност да продолжи да врши кривични дела.

Бидејќи станува збор за големо количество дрога, јавниот обвинител издава повеќе наредби со цел испитување на потеклото на кокаинот и неговата крајна дестинација, како и можни други инволвирани лица“, објави ОЈО.

На ова се надоврза и министерот Панче Тошковски кој рече дека уличната вредност на заплената е од приближно еден милион евра.