И покрај најавите за снежни врнежи, на места изгледа снегот ги изненади надлежните екипи кои заборавија на дел од критичните точки и акцентот го ставија на главниот град.

Во моментов возилата од Велес кон Скопје и обратно се движат со тешкотии бидејќи тој патен правец сеуште е парализиран. Таму денес најверојатно не излегле екипи кои ќе фрлат сол и ќе го направат патот прооден и заборавиле дека многу семејства вечерва се заминати на пат кон внатрешноста поради утрешниот и празник Бадник.

Сообраќајот на патните правци Скопје - Велес и Велес - Скопје е во прекин за сите видови на возила, поради излизгани и попречени возила соопштија и од АМСМ.

Оттаму информираат и дека поради врнежи од снег, забрани за движење на тешки товарни возила има на патните правци: крак Маврово – Дебар, Гостивар – Кичево преку планинскиот премин Стража, Кичево – Охрид преку планинскиот премин Пресека , на патниот правец Крива Паланка – г. п. Деве Баир, на патните правци Битола – Ресен преку планинскиот премин Ѓавато и на Ресен – Охрид преку планинскиот премин Буково.

Се апелира возачите да бидат внимателни .