Видео: Вардар се претвори во река на пластични шишиња
По неколку дена на дождови во западниот дел на Македонија и надоаѓањето на сливните води од планините во Вардар повторно се појави една ужасна слика на илјадници платични шишиња кои ја покажуваат грдата страна на граѓаните, но и на институциите.
Очигледно станува збор за посериозен и системски проблем бидејќи ова не е прв пат илјадници и илјадници пластични шишиња да се насоберат во Скопје кога протокот на водата е отежнат, што од самите градби поставени во коритото од проектот Скопје 2014 што од самото зголемување на водниот тек.
– Владата донесе одлука за селектирање на хартијата и пластика во сите институции, и даваме поддршка на компании кои рециклираат отпад, вели Макрадули за проблемот.
Оваа изјава на заменик министерот за животна средина е само еден мал сегмент од големината на овој еколошки проблем кој предизвикува тешки и трајни последици врз природата, па мора институциите посериозно да се занимаваат со наоѓање на решенија.Видеото го објави Иван Унковски кој алармираше за тежината на вчерашниот претек на огромниот број шишиња.
Слично
Поврзани вести
