Полицијата го уапси мажот што денеска ги запали возилата на бугарската амбасада во Скопје.

Веднаш по пријавата за пожарот, која е примена денеска во 12:13 часот, полициските служеници на Секторот за внатрешни работи (СВР) Скопје презеле интензивни мерки и активности за расчистување на случајот и пронаоѓање на сторителот.

„Во краток временски период е идентификувано и пронајдено лицето за кое постои основано сомение дека го сторило делото. Станува збор за И.Д. (44) од Скопје. Тој е лишен од слобода и задржан во полициска станица“, се вели во полициското соопштение за случајот.

Пронајдена е и облеката што осомничениот ја носел во моментот на извршување на делото.

Од МВР соопштија и дека во кооридинација со јавен обвинител се преземаат мерки и активности за целосно расчистување на случајот.