Полицијата вчера насилно го исели семејството на Ристе Бањоглав од Карбинци, а беше приведена и неговата мајка, инаку жена во подминати години, затоа што не и дозволува на извршителката да и ја земе куќата.

Бањоглав вели дека решението го добил на 14 јули 2021 за да нема право да се жали до Апелацвија. Неговата мајка вчера била приведена, реагираат граѓаните на социјалните мрежи, поради извршувањето врз единственото место за живеење.

Бањоглав вели дека двојно го исплатил основниот долг , но се нашол стапицата на спрегата лихвар, нотар и извршител кој го прогонува со години. .

„Од сабајле се случува кордон од полиција, камион, извршители, децата ми спиеја, дојдоа полицијците и на сила на нелегализираните објекти сака да ме извршува и на легализираните. Од 643 илјади долг, милион и двесте и платив и го даде во доверение на доверителот“ рече Бањоглав.