(ВИДЕО) Полицијата натера возач да ги исчисти градежните остатоци што му паѓаа од камионот
МВР објави дека врз основа на снимка од социјалните мрежи, пронајден е возачот кој денеска го загрози сообраќајот на патот Куманово - Крива Паланка, така што му паѓаа градежни остатоци од камионот.
Изречена му е прекршочна санкција и наложено му е да го исчисти патот
„Во врска со објавата на социјалните мрежи, каде се гледа како возач на камион со несоодветно однесување го загрозува движењето на учесниците во сообраќајот на регионалниот пат Куманово - Крива Паланка, од страна на полициски службеници од СВР Куманово преземени се мерки по што е пронајден возачот С.С. од Куманово“, информира полицијата.
На С.С. му е издаден прекршочен платен налог и му е наложено да го исчисти коловозот во присуство на полициски службеници.
Слично
Поврзани вести
