Ја гледате штетата, во моментот навистина не можам ниту да се сомневам во некој, ниту да посочам со прст лично кон некого, кој е сторител. Но, единствено што ми паѓа на памет е дека ова е политички сторено дело, изјави Петар Ристески, координатор на ОК на ВМРО-ДПМНЕ Прилеп чија викендичка синоќа е опожарена. 

Смета дека настанот е политички мотивиран и додава дека не е првпат, туку и дека кога СДСМ славеше победа му била оштетна портата од семејната куќа. 

„Се сомневам дека пожарот е подметнат бидејќи во објектот нема никаков електричен приклучок, нема електрични апарати, нема плински уреди, така да МВР нека си ја врши слободно својата работи и се надевам дека за брзо ќе ги откријат не само сторителите на овој гнасен чин туку и нарачателите“- рече тој. 

Околу 22 часот и 30 минути синоќа во противпожарната служба во Прилеп е пријавено дека е опожарена викендица на патот за село Волково.