Хрватската претседателка, Колинда Грабар – Китаровиќ во обраќање кон македонскиот народ пред референдумот на 30 септември порача дека Македонија припаѓа во фамилијата на ЕУ и НАТО, а нејзината земја е подготвена да помогне на тој пат. Таа порача дека имаме важна одлука на референдумот, а Хрватска ќе даде поддршка. 

Претходно и многу други политичари испратија порака до македонските граѓани, па дури и францускиот претседател Емануел Макрон кој првично беше против тоа Македонија и Албанија да се интегрираат во ЕУ.  Поддршка даде словенечкиот претседател,  Борут Пахор, но и австрискиот канцелар Себастијан Курц и претседателот на Европскиот совет, Доналд Туск.