Седењето дома е бело знаме и предавање во однос на правдата, порача носителот на листата на коалицијата „Можеме“ во Изборната единица 1, Никола Димитров. 

Тој им се обраќа на разочараните граѓани, и ги повикува да 15 јули да излезат и да гласаат. 

Вели дека и тој е разочаран, но не се откажува, не крева раце. 

„Во моjот ресор, душата jа оставив. Таа огромна планина се искачи, постигнавме децениски цели, влеговме во НАТО и на чекор сме од почеток на пристапни преговори со ЕУ, во фаза сме кога се разговара за таа динамика и се усвоjува Преговарачката рамка. Денес сакам да ви ветам лично jас, истата жар и енергиjа што ги вложив за првата голема планина, ќе ги вложам за оваа држава да има правда. Сега кога безбедноста, предвидливоста, иднината и границите веќе не се прашања, на сите ни е jасно коjа е следната голема битка – тоа е битката против корупциjата, криминалот и подземjето“, вели Димитров.

Додаде дека негласањето или гласањето за ВМРО-ДПМНЕ, е бело знаме за правдата. 

На 15 јули во Македонија ќе се одржат предвремени парламентарни избори.

Владата го прогласи 15 јули за неработен ден и тој нема да се одработува.