Дефинитивно фасадата не била доволна за апетитите на поранешната власт. Освен луксузирањето со чуден вкус за кој дознавме деновиве, впечатливи се специјалните безбедносни системи инсталирани во и околу премиерскиот кабинет. Тие неколку простории се направени да функционираат како посебна капсула во рамките на владината зграда. Кабинетот на премиерот е обвиен со непробојно стакло. Посебната тераса до која се стигнува од премиерскиот кабинет е покриена со челична конструкција и повторно со непробојни стакла - тешки неколку тони и дополнителна мрежа на горниот дел, најверојатно за заштита од дронови.

Ова и беше откриено на јавноста во вчерашната емисија 360˚ на Алсат-М Телевизија во која акцентот беше ставен на владината зграда за која екс премиерот и поранешната власт потрошија околу 17 милиони евра.

Навидум обичните столбови, всушност се четири инвертори кои според капацитетот, би можеле повеќе денови да ја снабдуваат премиерската просторија со кислород, а таа да остане затворена како бункер. 

Екс премиерот направил и посебен ходник и влез само за него до салата за владини седници. Таму пак, вратите се со необична дебелина и тежина, со дури пет опции за заклучување. Ѕвончето на премиерското место најверојатно служело за шефот да ги прекори оние што ќе го нарушат редот на состанокот.

И  оваа просторија е со непробојно стакло, а останатите врати служат за во салата да влегуваат министрите и службениците.

Но, луксузот и реновирањето се ограничени само на коцката во која е сместен премиерскиот кабинет. Како контраст вака запуштено изгледа старата сала за владини седници. Слично, нечепнати се и другите кабинети во другите коцки.

Целата емисија погледнете ја во видеото, а сторијата на овој линк.