По речиси шестчасовен распит, поранешниот прв вицепремиер и министер за односи меѓу заедниците, Артан Груби вечерва од Основното јавно обвинителство Скопје е спроведен во Основниот кривичен Скопје.

Toj не одговори на прашањата на новинарите зошто се вратил и дали се чувствува виновен. 

Од Јавното обвинителство засега нема официјална информација за распитот, како и за тоа дали евентуално ќе се бара потврда на 30-дневниот притвор што на Груби му беше одреден во отсуство или пак е можно да му биде одредена друга мерка за обезбедување присуство.

Груби утрово се појави на косовско-македонската граница на граничнот премин Блаце, по што полицијата го уапси. 

Груби е осомничен во случајот со проневери во „Државна лотарија“. Тој ја напушти земјава пред Обвинителството официјално да отвори истрага, а успеа да излезе од земјава и да влезе во Косово и покрај тоа што беше на т.н. „стоп-листа“. Груби тврдеше дека не избегал, туку дека бил во приватна посета на Косово, наведувајќи дека штом ги заврши обврските, ќе се врати. Македонската полиција тогаш распиша меѓународна потерница по Груби.