Во 2015 година додека на власт беше Никола Груевски Владата беше заградена со ограда или така наречено барокно-неокласично здание за кое се потрошија 700 илјади евра а Заев во изброната програма кога се броеше за функцијата премиер најави дека тој простор ќе го ослободи .

Денеска официјално оградата од ковано железо се тргна. Остануваат да висат само столбовите .

На твитер профилот од Владата поставија и видео под кое напишаа:

„Владата е на граѓаните. Отворена и достапна. Го ослободуваме јавниот простор околу, ја правиме уште повеќе отворена и достапна“...

Владата е на граѓаните. Отворена и достапна. Го ослободуваме јавниот простор околу, ја правиме уште повеќе отворена и достапна. pic.twitter.com/14R5I0ZnbT

— Влада на Република Македонија (@VladaMK) February 7, 2019

Под овој пост пак се наредија коментари на твитерџиите кои ги прашуваат надлежните во чија вила ќе заврши оваа ограда.

Супер што ја вадат железната #ограда, ама остануваат грозните столбови, предлози да заличат:
- Шарените бојачи да се рактивираат и да ги „средат“ столбовите
- Да им се плати, или барем боја да им се купи на најдобрите графитџии, да оплеменат малку#оваДЕКА рушењето е скапо :(

— Neb. Gelevski - Bane (@banekoma) February 7, 2019

Владиниот портпарол пред неколку дена не сакаше да ја открие сумата која ќе се потроши за да се отстрани оградата но рече дека нема да се трошат државни пари ниту ќе се распишува тендер туку ќе се ангажираат постоечките служби 

Железната ограда како што кажа Бошњаковски ќе биде ставена во депо. 

„Бетонските столбови во овој момент, поради тоа што нивното отстранување чини премногу и имајќи предвид дека се закопани метро и триесет сантиметри под земја, ќе останат бидејќи владата нема намера да троши дополнителни пари за да се исправат грешките на минатата влада“, посочи портпаролот.