Во моментов пред Владата се одржува протест против енормното загадување на воздухот во главниот град.

Голем број на граѓани со различни транспаренти во раце и маски на лицата алармираат дека повеќе не се дише.

„Не угушивте бре ало“,  „Трето дете без воздух не расте“, „Филтри наместо финти“, се дел од транспарентите кои ги носат граѓаните.

Организатори на протестот се неколку граѓански здруженија кои предлагаат неколку мерки кои сметаат дека ќе придонесат за намалување на енормното загадување.

Владата пред неколку дена донесе препораки до сите работодавци да ги ослободат од работа старите лица и бремените жени, им препоача на граѓаните да го користат јавниот превоз наместо сопственото возило, но сепак останаа глуви на барањата да се распуштат порано учениците за зимскиот распуст.

Видео/Фото-Фејсбук