Летување во Грција во 2026 година за многумина значи внимателно планирање на трошоците, а една од најинтересните информации се цените на лежалките на плажите.

Според податоците од Nikana.gr, во Неа Флогита, цената на комплет лежалки во првиот ред крај морето достигнува околу 30 евра, додека за вториот ред е потребно околу 20 евра по сет. За лежалки подалеку од обалата, често е доволна конзумација на пијалок. Неа Флогита е популарно летувалиште на Халкидики, познато по долгата песочна плажа, плиткото море погодено за семејства со деца и бројните таверни, кафулиња и барови крај морето.

Слична ситуација е и во Ханиоти, каде што цените на лежалките на градската плажа се движат од 20 евра по сет во мај и јуни, а во врвот на сезоната, во јули и август, достигнуваат и 30 евра. Ханиоти е едно од најуредените и најпосетуваните места на Касандра, популарно меѓу младите и семејствата, со прошеталишта полни со ресторани и продавници, уредена плажа и богат избор на сместување.

Многумина туристи на социјалните мрежи коментираат дека цените растат од година во година, но дека сепак има места каде што може да се користат лежалки со нарачано пиво или храна.