Индија е погодена од најстрашниот тропски циклон во последните 20 години.

Најмалку 12 луѓе загинале а повеќе од 30 се повредени при налетот на циклонот Фани а најмногу настрадале при уривање на дрвјата од бурата.

Циклонот ја погодил провинцијата Одиша на источниот брег на Индија, како бура од петта категорија, а со себе донел и обилни врнежи и ветер со јачина од 205 км/ч.

Кога дошол до копно, циклонот се свртел кон североисток и почнал да слабее, но сепак успеал да поплави бројни села на границата со Бангладеш.

Снимките покажуваат како циклонот носи се со себе, и зад себе остава пустош. Ветерот уривал кранови и корнел прозорци и врати на станбени згради.

Околу 1,2 милиони жители на Бангладеш се префрлени во околу 4000 засолништа, а аеродромот Бубаншевар претрпел значајни оштетувања,но  и понатаму е отворен.

Сезоната на циклони во Бенгалскиот залив трае од април до декември.

Фото: АП