Низ медиумите брза како молња се рашири веста за дадилка која малтретирала бебе во Скопје при што на социјалната мрежа е споделено и видео од близок член на бебето.

Дадилката наместо да го чува, го малтретира и грубо се однесува кон деветмесечно бебенце во Скопје, како што можете сами да забележите на видеото.

МВР против неа поднесе кривична пријава, па Основното јавно обвинителство - Скопје, поведе постапка против едно лице кое се сомничи дека малтретирало 9-месечно дете.

По проучување на кривичната пријава и доказите, јавниот обвинител најде дека постои основано соменение за сторено кривично дело – Запуштање и малтретирање на дете од член 201 од Кривичниот законик, за кое е запретена казна затвор од една до десет години.

При тоа, донесена е Наредба за спроведување истражна постапка и до Основниот суд Скопје 1 – Скопје поднесен е Предлог за определување на мерка – Притвор против осомниченото лице, поради постоење опасност од повторување на делото.