Директорката на средното техничко училиште во Битола „Ѓорѓи Наумов“ Жанета Сервини ги демантира тврдењата на фондацијата „Бугарска памет (меморија)“ дека ученици од ова училиште биле во посета на Софија и таму посетувале предавања во музејот на национална историја. 

Директорката Сервини демантира дека младите од фотографиите објавени на веб страницата на профилот на фондацијата се ученици во битолското техничкото училиште.

„Категорично ги отфрламе дезинформациите за присуство на ученици од техничкото училиште од Битола во Бугарија. Во Софија бевме отидени јас и заменик-директорот Љупчо Здравковски, за да воспоставиме „Еразмус Плус“ соработка со училишта во Софија, како што впрочем е и практиката на сите други училишта. Со дадената непроверена информација направена е шпекулација со која е нарушен нашиот углед и угледот на училиштето“, се вели во реакцијата на Сервини.

Комисија за образование и наука на ВМРО-ДПМНЕ се јави со реакција на прес конфренцијата на Дарко Каевски.

Тие велат дека СДСМ, во немоќ и очај, упорно шири лажни вести и на најчувствителни теми за Република Македонија во овој момент, злоупотребувајќи ги и најмладите.

Битолски ученици кои биле истомисленици на бугарскиот клуб ,,Иван Михајлов” заминале во бугарскиот главен град Софија на предавање и разговор со Милен Врабовски, тврдеше Фондацијата.