Велосипедистката А.Ц. (42) од Прилеп почина од здобиените повреди откако вчера во неа удрило возило со прилепски регистарски ознаки.

„На 09.06.2023 околу 19.45 часот во Полициската станица Прилеп било пријавено дека на ул.„Александар Македонски“ во Прилеп, патничко возило „фолксваген“ со прилепски регистарски ознаки, управувано од Р.П.(54) од с. Славеј, прилепско, удрил во велосипед управуван од А.Ц.(42) од Прилеп. Од здобиените повреди на местото починала А.Ц., а смрт констатирал лекар од Итна медицинска помош“, информира МВР.

Увид  извршиле екипа од Полициската станица Прилеп и јавен обвинител, по чија наредба телото на починатата било дадено на обдукција.