Со приведувањето на двајца административни службеници, родители и сопрузи на малолетни деца, државата го покажа најлошото, недемократско лице, пишува во соопштението до јавноста поранешниот претседател на Собранието, Трајко Вељаноски. 

Вељаноски ги повика институциите да ја исправат грешката затоа што „лошата правда е најголемата неправда“.

„Единствениот грев е што тие биле на своите места во македонското Собрание на 27-ми април, но не направиле ништо спротивно на Законот“ - вели Вељаноски. 

Ова не смее да се случува, и затоа, борбата за невините двајца млади родители кои биле неправедно втурнати во хиперполитизираната каша е борба за сите нас, оценува Вељаноски.