Претседавачот со конститутивната седница Трајко Вељаноски на четвртиот ден на расправа меѓу пратениците повторно свика пауза со цел пратеничките групи да се договорат како ќе продолжи работата на Собранието бидејќи со процедуралните говори целосно се блокира суштинската дебата.

Наместо да се разговара за точките од дневниот ред, а тоа е финиширање на комисијата за избори и именување која треба да дојде до предлог за нов претседател на Собранието, пратениците продолжија со меѓусебни обвинувања и ситно политиканство. 

По паузата од еден час треба да се утврди на кој начин ќе продолжи расправата со цел повеќе да нема злоупотреби на собраниската говорница иако истото им е дозволено на пратениците согласно Деловникот.