Лондонскиот аеродром Хитроу објави дека од јануари следната година ќе ја зголеми цената на услугите за истоварување на патници на терминалите од 6,8 на 8 евра, објавува Би-Би-Си.

Во исто време, ќе се воведе временско ограничување од 10 минути во зоните одредени за истоварување, по што патниците ќе добијат известување за трошоците за паркирање.

Портпаролот на најпрометниот аеродром во Велика Британија изјави дека мерките се воведени за намалување на протокот на возила и спречување на сообраќајни метежи.

- Бесплатни опции за истоварување и преземање на патници се уште се достапни на сите терминали, на сите паркинг места од типот „Паркирај и вози“ - нагласи портпаролот.

Тој додаде дека поголемиот дел од посетите на зоните за слетување, околу 95 проценти, досега траеле помалку од десет минути.

Аеродромите Гетвик, Лутон, Станстед и Саутенд веќе наплаќаат минимум седум фунти за истоварување на патници, додека аеродромот Лондон Сити продолжува да ја обезбедува оваа услуга бесплатно.