Раздвојувањето на Албанија од Македонија на патот кон ЕУ е опција за која се зборува во последно време. 

Еврокомесарот за проширување, Оливер Вархеји, денеска за „Еуроњуз“ изјави дека е опција да се раздвојат Албанија и Македонија од преговорите за ЕУ, ако Македонија и Бугарија не најдат заедничко решение за проблемот.

„Ако и натаму наидеме на потешкотии со Северна Македонија, тоа би значело неуспешни преговори со Бугарија, тогаш би можеле да продолжиме само со Албанија. И треба да го разгледаме тоа прашање“, рече Вархеји. 

Преговорите меѓу Македонија и Бугарија тапкаат во место. Во Бугарија ќе има нови избори. Бугарскиот претседател Румен Радев ги закажа изборите за 11-ти јули. Претходно, оние кои го добија мандатот не успеаја да формираат Влада.