Известувачот за Македонија во Европскиот парламент, Иво Вајгл вчера повика на обединување на македонските политичари околу проектот за европска и евроатлантска Македонија.

„Сега е важно НАТО и ЕУ и понатаму да ја поддржат Македонија. Останатото ќе мора да го одработат македонските политичари кои би требало да бидат свесни дека се работи за долгорочен интерес и за иднината на државата“- изјави Вајгл.

Тој за референдумот истакна дека околу „половина милион“ гласачи не живеат во Македонија за да се достигне до предвидената законска квота од 50% излезност.

Вајгл вели дека резултатот на референдумот всушност открива „контрадикторна ситуација во денешната македонска политика“ во која сите декларативно се изјаснуваат за европската и евроатлантската иднина на државата, а во исто време на бојкот на референдумот повикуваат и најголемата опозициска партија и шефот на државата.