Утрово најстудено беше во Крушево
Утрово најстудено беше во Крушево каде температурата била еден степен под нулата.
Во Скопје се измерени три степени, а најтопло е во Гевгелија и Дојран со осум степени.
Најмногу дожд во изминатите 24 часа наврнал во Пожаране 21 литар на метар квадратен, во Тетово 15, Дебар 13, Охрид 11, Крушево 9, Скопје 6, а најмалку во Штип еден литар, соопшти УХМР.
Обилни дождови денеска се очекуваат во западните делови на Македонија.
Времето ќе биде облачно и студено со врнежи од дожд. Тие на планините и на некои повисоки места во северните делови ќе бидат од снег. Најобилни врнежи се очекуваат во западните делови (локално над 20 л/м2).
Слично
Поврзани вести
