Вести во фокусот на Фактор ова утро...

*Корупција го тресе здравствениот систем. Заменикот министер е снимен како прима мито од наводни пациенти.

Новинари го наместија а снимката ја виде целата јавност. А колкаво е богатството што го поседува Асим Муса...детали погледнете тука.

*

Голема неизвесност и драматичност и натаму владее околу датумот за преговори кој земјава со нетрпение го очекуваше, но работите целосно се искомплицираа, откако еден од клучните европски партнери, Франција, реши и натаму да ја држи затворена вратата за земјава и за Албанија.

185 милиони евра ќе чини гасификацијата на Македонија според вкупните средства наменети за дејноста што се обезбедени до сега, покажува годишниот извештај на Национални енергетски ресурси, компанијата која е задолжена со средства од Владата и странските кредитори да го изгради националниот гасовод и истиот да го поврзе интерконекторски со Грција.

*

Акцијата на најголемата македонска градежна компанија е евергрин мелодија за македонскиот пазар за хартии од вредност. Ако се обидеме да направиме асоцијација со препознатлив бренд оваа акција за нашите трејдери и маркет мејкери е истото што и хрватската „бајадера“ на нашиот кондиторски пазар, „жолтата тиквешка лозова ракија“ на пазарот на жестоки домашни пијалоци, „вегетата“ на пазарот за зачини или „стоби флипсот“ на пазарот на грицки.

*

Граѓаните велат дека сегашниот минималец кој е нешто повисок од 200 евра е премал за покривање на животните трошоци, со оглед на фактот дека цените растат, и затоа бараат што поскоро да порасне минималната плата.