Вести во фокусот на Фактор ова утро ...

*

Буџетот за следната година е во раце на пратениците. Во Собранието почнува расправата која е извесно дека ќе биде жешка.

Сумата на која надлежното министерство го проектираше буџетот за 2020 е 3,615 милијарди евра, а според кажаното фокусот е ставен на човечкиот капитал.

*

Делот од Скопје кој е еден од најпознатите места, маало со традиција и со староседелци кои до денеска се жители на центарот на Скопје, набрзо ќе има нов лик. 

*

Градот во источна Македонија, чиј заштитен знак е производството на ориз, веќе подолго време каска зад помалите населени места по економска активност и по големината на компаниите кои работат во него. Од поодамна Кочани не може да се мери со „вечниот“ ривал Штип, а неколку години наназад не може да се мери ниту со Виница, Пробиштип и со Македонска Каменица.

*

Луѓето кои издаваат соби и апартмани во Берово велат дека последните две години имаат гости кои кај нив престојуваат и по два- три месеци. Се работи за пензионери кои се слободни во текот на целата година, или семејства со деца кои летниот распуст го поминуваат во Берово.