УТРИНСКИ ФОКУС: Чистка во СДСМ-РКЕ ќе ја каже новата цена на нафтени деривати
Владеачката партија се соочи со внатрепартиска чистка. Разрешено целото раководство на СДСМ а дел од аналитичарите велат дека во СДСМ се случил „политички ураган“.
Заев повторно се издвојува како политички актер во главна улога префрлајќи го притисокот за промени врз опозициската ВМРО-ДПМНЕ која засега нема јасна насока како да се наметне сопствен свеж наратив, смета аналитичарот Благојче Атанасоски.
*Анализата со Атанасоски читајте ја овде.
Двете најсилни и наголеми домашни кондиторски компании лани имаат приходи од речиси 70 милиони евра. И двете ги краси епитетот создавачи на брендови, големи извозници и семејно контролирани или целосно поседувани фирми. Заедничко им е тоа што докажаа дека во Македонија не мора да си од Скопје за да правиш голем бизнис зашто „Витаминка“ е од Прилеп, а „Макпрогрес“ од Виница, на македонскиот исток.
*Цената на бензините кај Регулаторна, како ќе не удри денеска
Регулаторната комисијта по новата методолгија ќе ја формира денеска цената на нафтени деривати.
Во таа цена треба да се вкалкулирани и трошоците на компаниите за транспорт на дериватите. Таа цена ќе биде максимална, а дистрибутерите може да одат и со помала маржа. Сепак, Регулаторна не им ги призна на дистрибутерите трошоците во висина во која тие бараа.
Заев го измете својот двор - Ќе го среди ли и владиниот со целосен реизбор?
Заев со овие промени успеа да направи голема чистка во сопствениот двор, да покаже дека никој не е безбеден со функциите кои ги добил и дека откако ќе биде направен избор на новите партиски кадри очекува поодговорно водење на политиките.
Слично
Поврзани вести
