Зачестиле респираторните инфекции кај деца во Гевгелија. 

Kaко што соопшти Министерството за здравство, тим специјалисти ќе бидат испратени во болницата во Гевгелија, каде лекарска помош побарале 50 деца и бебиња со респираторни инфекции. Утре тим од Клиниката за педијатрија, во состав д-р Аспазија Софијанова, д-р Весна Мицевска и д-р Валентина Јовановска Огненовиќ ќе бидат упатени во ОБ Гевгелија, за поддршка на педијатрите и евентуални дополнителни испитувања во делот на специфична дијагностика.

Во болницата во Гевгелија сега хоспитализирани само само две бебиња, поради возраста, а 20-тина деца се на терапија, но тие не се задржани во болница. Ќе бидат направени дополнителни анализи за случајот.