Веќе од утре може да се очекуваат температури над нулата. 

Во Македонија денеска ќе биде умерено облачно време со повремени сончеви периоди и потопло со пораст на температурите, како на утринските така и на дневните. Попладне во северозападните и крајните западни предели нестабилно време со услови за слаби врнежи од дожд, а над 600 метри со врнежи од снег. 

Во сабота се очекува умерено облачно време и нестабилно со локални врнежи од дожд, додека пак над 800 метри се очекуваат слаби врнежи од дожд. Дневните температури ќе бидат од 1 до 7 степени. Во недела претпладне ќе имаме претежно сончево време со појава на локална облачност и постудено време, попладне зголемување на облачност. Температурите ќе бидат во опаѓање, минималните од -12 до -4 степени, додека пак максималните дневни од -2 до 5 степени. Во понеделник и вторник ќе има нов бран на врнежи кои ќе бидат со слаб интензитет. Во понеделник времето ќе биде облачно со врнежи од снег, а во јужните и југоисточните предели врнежите ќе бидат од дожд и снег. Максималните температури ќе бидат од -3 до 3 степени. За вторник се најавува благ пораст на температурите, а со тоа и подигање на снежната граница.